Nā Kūlana Hana
He ʻonipaʻa mākou ma ka hōʻoia ʻana i ke ola a mohala pono ʻana o ka ʻōlelo Hawaiʻi. E kūpaʻa ana mākou ma ke ala nuʻukia, “E hoʻoulu i ke kaiaʻōlelo Hawaiʻi no ko Hawaiʻi nei i mau aku ʻo Hawaiʻi he ʻāina Aloha” a me ko mākou nuʻukia, “E Ola ka ʻŌlelo Hawaiʻi.” ʻO ia ka ʻīkoi o nā papahana a me nā lanakaila e hoʻohua ʻia nei e ka ʻAha Pūnana Leo. Ke ʻimi nei mākou i nā kānaka mākaukau ma ka ʻoni ʻana a me ke kūpaʻa ma ka nuʻukia e komo pū mai ma ka hana ma ke kahua paepae o ka Mauli Ola Hawaiʻi i māhuahua hou aʻe ai ka ʻōlelo Hawaiʻi.
KĀKOʻO KUMU
Pūnana Leo o Waimea, Kamuela, Hawaiʻi
Pūnana Leo o Waiʻanae, Waiʻanae, Oʻahu
Pūnana Leo o Kauaʻi, Līhuʻe, Kauaʻi
E kākoʻo ma ka hoʻonaʻauao ʻoi kelakela i nā keiki ma luna o ka paepae mauli ola Hawaiʻi ma o ka ʻōlelo Hawaiʻi me ka hana pū ʻana me nā ʻohana a me nā limahana. He pono ka ʻike i ka ʻōlelo Hawaiʻi.
Uku: $16.00/hola
POLI PUMEHANA
Pūnana Leo o Waiʻanae, Waiʻanae, Hawaiʻi
E kākoʻo ma ka hoʻonaʻauao ʻoi kelakela i nā pēpē ma luna o ka paepae mauli ola Hawaiʻi me ka hana pū ʻana me nā ʻohana a me nā limahana. He pono ka ʻike i ka ʻōlelo Hawaiʻi.
Uku: $16.00/hola
LUNA WAIWAI
Puʻuhonu, Hilo, Hawaiʻi
Hoʻolālā, hōʻoia a hoʻokō ma ke ʻano piha pono i ke kahua waiwai ʻAha Pūnana Leo ma nā kulekele kālā a me nā hana mālama kālā. E ʻimi ana i ka walewaha inā he pōkole ma ka ʻike ʻōlelo.
Uku: $90k-$135k/makahiki
KĀKIA KEʻENA
Puʻuhonu, Hilo, Hawaiʻi
E mālama i nā ʻōnaehana keʻena a me ka hoʻokaʻaʻike kūloko a kūwaho. He pono ka makahiki 3 ʻōlelo Hawaiʻi a me 1 makahiki hana keʻena.
Uku: $17.00/hola
E leka uila mai iā mākou ma mml@ahapunanaleo.org inā he nīnau kāu no kekahi kūlana hana.
He honua mauli ola Hawaiʻi ka ʻAha Pūnana Leo, a no laila, he hoʻōla ʻia a ʻ o ia ke kahua o nā ma ka hana. No ka ʻike hou aku no ke Kumu Honua Mauli Ola, e hoʻouka i ka palapala PDF ma ʻanei.
He ʻoihana hai kaulike ka ʻAha Pūnana Leo. ʻAʻohe mākou hoʻokae aku ma muli o ka makahiki, ka lāhui, ke keka, ka hoʻomana, ka ʻili, kahi hānau, ka pilina kanaka, ke kīnānā, ke kuana kanaka, ka moʻolelo hopu a hoʻokolokolo, a me nā ʻano palekana ʻē aʻe a pau i ʻae ʻia ma nā kānāwai mokuʻāina a pekelala.